您的購物車沒有添加商品！
顧名思義，就梗係即開即有熱水提供。主要係利用恆溫器控制出水溫度，故唔需要預熱，亦唔駛內置儲水箱，體積一般較細小，唔駛佔用太多空間。由於用電力推動就唔需要好似煤氣爐，要畀每月嘅基本收費，真正嘅「用幾多俾幾多」。
設有儲水箱，需要「煲水」，即係要預早開一段時間之後先會有熱水供應，一般要等大概15-25分鐘。熱水爐輸出熱水嘅同時，冷水就會自動加入儲水箱。市面主要分為高壓式及花灑式儲水熱水爐。
加熱速度比傳統儲水式電熱水爐更快，只需加熱5分鐘，水溫可上升20-40度(視乎唔同效能)，此外，如果配合環保花灑頭使用，可以延長熱水持續時間多達約半個鐘！
高壓式：更大儲水量，能接駁多個出水位，不過需要加設通風設備。多個出水位接駁，需裝上壓力及超溫感應排放閥 (PTV)
花灑式:：儲水量較少，只可接駁一個出水管，通常用戶需要選擇用花灑延長熱水持續時間。電功率都較低。
兩者都係加熱速度夠快，同樣唔需要儲水，基本上可以話係即開即熱，熱水供應可以話係冇上限，熱水涼要沖幾耐就幾耐。
安全一定係考慮因素之中嘅首位，無論煤氣爐/石油氣都係易燃氣體，最簡單就梗係認住由機電工程署安全認可嘅「GU」標誌。另外，可以揀選密封式設計嘅氣體熱水爐，開爐嗰時用的新鮮空氣取自室外，廢氣亦直接排出室外，廢氣亦不會洩漏而污染室內空氣。
大部分氣體式熱水爐爐身喺安裝之後一般會嵌入喺牆身並外露室外，由於安裝環境及大廈設計，除咗要留意爐身大小，亦要留意供氣管、冷熱水管及排煙道設計，有一啲大廈外牆為排煙道預留牆孔尺寸同位置都有差異。
即係輸入功率，可以理解為隨燃氣輸入至熱水爐嘅單位。使用同一燃氣類別嘅熱水爐，熱負荷愈高，燃氣流量都係愈高。
電熱水爐耗電量高，而耗電功率要求亦會較高，儲水式額定輸入電功率由3,000瓦特(Watt) 起，即熱式電熱水爐更高達6,000瓦特或以上，所以首先要了解家中供電上限即單位A (安培) ，假設你家中電箱有30A，買6000 Watt電熱水爐 ，而香港電壓為220V. A = 6000 Watt /220V = 27 A (最簡化計算，只作簡單參考)
這樣說，電熱水爐耗電量已經佔用了你家中9成電力上限。一旦超出電力上限會引致「跳制」，或造成危險。
簡單來說，耗電功率 瓦特 (Watt) 愈大，熱力及水量輸出愈高，因此即熱式電熱水爐耗電功率可以達18000瓦特至24000瓦特不等，所以基本要三相供電駒動，三相供電的電壓較有效利用，推動相同瓦特電器時節省更多電力，消費者應先查詢所住樓宇是否設有三相供電或「三相四線」的電路系統，才選擇合用的款式。
不論係即熱式、速熱式、儲水式熱水爐，都需要有足夠水壓先接通電源。主要原因都係安全，因為當水量及水壓不足，發熱線有可能燒毀，避免發生水溫過高嘅風險。即熱式電熱水爐設有水壓掣，購買前可以先檢查房屋水壓係咪符合要求。
恆溫功能主要功能係方便用家調校合適水溫。但係唔同牌子預設嘅水溫都唔一樣，如果你係成日沖熱水涼、喜好較熱嘅水溫，就應該考慮購買有較高溫度設定嘅電熱水爐。
水力恆溫
即以指定Watt瓦特功率推動，即6000 W電熱水爐，6000W即全數輸出加熱，因此當夏天或高層單位來水溫度高，並唔會自動調節功率，同樣6000W加熱，有機會令水溫過高，而要用更多冷水降溫，流量低又會令熱水爐關閉，出現忽冷忽熱嘅情況。
電子恆溫
則瓦特功率輸出會因水流量及來水溫度而自動調節，即當上升溫度愈低，瓦特功率輸出都會下降，達到更加節省能源嘅效果。
根據水務條例，安裝熱水爐必須由持牌水喉匠負責或督導。大多數熱水爐廠商或代理商多聘有持牌水喉匠及經驗電器技師，喺安裝前，可確保安裝人員係咪符合資格。
或先瀏覽去機電工程署網頁了解更多安裝電熱水器安全須知。
德國製造
DHB-E LCD 全新增設LCD顯示屏，精確水溫更易選擇。享受優質淋浴體驗同時，亦可慳水電量高達30％*，為你提供一切主要舒適設定：以精密調控耗電量彌補入水流量及溫度變動；絕對唔會再出現忽冷忽熱~ 全賴 DHB-E LCD 電子恆溫系列之先進科技。
葡萄牙製造
葡萄牙製造
-SW-80x80.png)
-80x80.png)
-80x80.png)
泰國製造
德國製造
葡萄牙製造
