您的購物車沒有添加商品！
IC (Induction Cooker, 或日本稱IH) 電磁爐係通過磁場感應發熱，由爐具內嘅線圈產生磁場，磁場通過鐵磁體(即係有含鐵鍋具)時會產生感應而出現渦流電流(Eddy current)，從而產生熱力。電磁爐比起氣體煮食爐最大嘅好處就係熱力直接傳到鍋具，減少熱力流失，可以慳高達七成嘅能源費用。此外，因為無需空氣燃燒，開爐嗰時唔會有毒廢氣或碳微粒。不過必須留意電磁爐會產生電磁輻射，小朋友、孕婦及使用心臟起搏器嘅人士就要慎用電磁爐。
電陶爐係用鎳鉻金屬發熱體，將電熱能轉變為紅外線，直接加熱爐面傳熱，所以唔需要用鐵鍋，用陶瓷、玻璃、砂鍋等等耐熱鍋具都可以用。而且電陶爐火力大，同明火煮食沒有大分別，而且電陶爐唔會產生輻射，不過傳熱效率唔夠電磁爐高，所以用電量較大。價錢比起電磁爐貴少少。
呢一款電磁爐主要賣特係細小輕巧，可以隨你移動，特別適合用嚟打邊爐，甚至係野食、露營都可以用到。功能同一般放喺廚房嘅電磁爐/電陶爐冇分別，駁電即用，可直接取代卡式石油氣爐。
其實即係煮食區分為電磁或電陶爐，令都用家你係使用上更加靈活，有電磁爐慳電既同時又可以有電陶爐猛火嘅長處。
唔少名牌廠商或獨立牌子更有推出電烤爐、電炸爐、電蒸爐甚至電鐵板爐等其他專門用作烤炸、蒸食物或作鐵板燒輔助大家唔同嘅煮食需要。以上提及嘅爐具都可以獨立安裝或者配合同品牌產品組合購買。可以 click 入去了解睇睇有咩選擇<<座檯式燒烤爐、電炸爐、鐵板燒爐>>
氣體煮食爐主要分為煤氣爐 (TG) 同石油氣爐 (LPG) 兩款。
煤氣爐/石油氣爐
煤氣爐同石油氣爐特點都係明火煮食，即時加熱，火力一般較大，煮出嚟嘅嘢食較有鑊氣，操作容易。
煤氣爐 vs 石油氣爐 揀邊款？
煤氣爐同石油氣爐雖然有好多種唔同嘅構造型式，但係基本上用途都係一樣嘅，其實要邊一款都係睇你住所大廈或地區供應邊一種氣體。事實上，同一型號嘅氣體煮食爐有供煤氣用或石油氣用之分，只係調壓器唔同。石油氣供氣壓力比煤氣大，所以煤氣爐唔可以駁石油氣，反之亦然。
.jpg)
.jpg)
.jpg)
爐頭一般係氣體煮食爐叫法，而電磁爐/電陶爐嘅「爐頭」可稱為煮食區。
通常煮食爐都有兩至四個煮食區/爐頭，當然有啲型號亦可以多達五、六個。爐頭愈多當然係使用上變化愈大，可以喺短時間同時處理多個菜式。愈多爐頭同時煮食就會產生好更油煙，所以應配合一個抽力較大嘅抽油煙機，你可以參考<<抽油煙機推介、抽油煙機比較、抽油煙機牌子及選購攻略 2021>>。
一個煮食爐火力有幾大可以了解產品嘅最大輸出功率(以千瓦時 kw/h 為單位)。
煤氣爐一般功率可以去到6千瓦火力，但相同款式接駁石油氣就會得 4.5 千瓦火力，所以要記得唔好搞亂呀。
電爐嘅煮食區可以有2至3個唔同嘅功率火力。以高低功率煮食區互相配合幫助你處理唔同菜式。一般巧率範圍係較經濟的1.2千瓦時至快速加熱的2.4千瓦時都有。而一些最強火力的感應區範圍則可以高達3千瓦時甚至更高。
無論係氣體煮食爐定係電磁爐都有多環設計，雙環甚至三環設計嘅煮食爐為你提供了額外的火侯控制。例如雙環喺一個爐頭只係可再拆分為內環同外環，兩個環均可獨立調較熱力。如果你係需要用細煲，您就可以閂咗外環火力，令到火力可以更加集中加熱，減低熱力流失。而三環同樣係差唔多原理，中間多一個環，令你可以更加細緻控制火侯。
氣體煮食爐最好有熄火保險裝置。呢個裝置主力用作熄火後截斷氣體供應，阻止燃氣進入爐頭，以免氣體洩漏。即使你唔睇火，煲瀉湯又或者係突然大風吹都會自動停止氣體流向爐頭，都唔存在安全問題。
電磁爐或電陶爐都有鍋具感應器可以檢測到係咪有一個兼容嘅鍋具放置喺爐面。如果你拎開咗個鍋具被，嗰個煮食區功能將自動關閉。如果你開咗電源好耐但又冇放鍋具上去，電爐就會切換到自動待機模式，以免浪費電源或產生安全問題。
通常係熄火之後都仍然有少量餘熱。餘溫警告燈著咗即提醒你唔要掂到嗰個區域或者放其嘢上去直至佢再次冷卻。
一般都係氣體煮食爐先有，係較為傳統嘅選擇，使用非常簡單，只需要撳住個制1至2秒左右，就可以成功撻著個爐，之後就可以簡單轉動控制你想要嘅火力。這個設計優點比較難唔小心掂到或撞到煮食爐嘅開關。
用觸控設計整個爐具表面就更加簡潔光滑，且方便直接清潔，旋轉控制鈕容易有隙縫，有機會有污積。而觸控面板嘅兒童安全鎖模式更可確保小朋友唔會唔小心開到爐。觸控式開關會較常見於電磁爐/電陶爐，但少數玻璃面板嘅氣體煮食爐都有觸控設計，廠商會將觸摸控件嵌入到玻璃入面。
氣體煮食爐通常有兩個位置放開關，一係爐頭前部，一係就側面。一個開關喺側面嘅氣體煮食爐有一個最明顯嘅好處，就係個位置稍靠後，小朋友唔會咁易撳到。而氣體煮食爐大多數都係用物理形式做童鎖，有時候鎖得唔用都有可能比小朋友開到。而觸控面板嘅兒童安全鎖模式就比較安全，小朋友難以因為亂撳就可以開到。
不銹鋼材料會工業風格，而拉絲不銹鋼帶來一種更加柔和嘅啞光效果。兩種材質都具有耐磨嘅特性，外觀時尚，適合有好多金屬表面電器嘅屋企。
表面光滑，外觀時尚，清潔應該係最方便。一般食物殘渣好難黏實喺玻璃到，所以可以很容易擦去玻璃上嘅污積。有一啲較進階嘅型號，會有無框玻璃設計，可以完美嵌入廚櫃，方便你沖洗整個枱面。
搪瓷設計會顯得比較復古，搪瓷表面常見喺較平嘅入門級機型或復古機型。如果您唔中意玻璃或不銹鋼嘅設計，您可以選擇白色，奶油色或黑色搪瓷設計。
可以，煤氣公司會收取有關費用。
只需要用一粒磁石放喺鍋具底部，如果能成功痴實，即係可以用喺電磁爐。
大約可以用1年，由於電池係喺出廠時安裝，可能已經係爐內有一段時間，所以有機會用唔足一年。
一般係因為電池盒或點火針出現問題。當點火針濕咗水或遇濕氣時就會有「噠噠」聲。可以先取出電池，等打火針風乾後放返電池入面就得。
-SW-80x80.png)
-80x80.png)
-80x80.png)
日本製造
