您的購物車沒有添加商品！
濾水壺即係加咗濾芯嘅水壺，即買即用，只需要加入水到過濾層，然後等水流到下層就可以飲用。
濾水壺可以話係最平嘅濾水產品、唔洗安裝、即買即用、放入雪櫃又得。
即係濾水器安裝係水龍頭過濾食水，即開水即過濾，無需等待，價錢相對較平，安裝容易方便。
座檯式濾水器係將水龍頭嘅出水，接駁番落機，經過濾芯，由濾水器嘅出水位流出，無須師傅安裝。
座枱式濾水器嘅濾芯過濾性一般較上面兩款強、而且較長命，濾芯壽命可長達1年。
鋅盤下式濾水器當然安裝係廚房鋅盤下，而且又可以放係廚櫃內，唔會影響你廚房嘅觀感。一般有兩支或以上濾芯，唔同濾芯有唔同過濾嘅作用。
留意番，鋅盤下式濾水器最好都係留番俾專業師傅安裝。
3M DWS2500T-CN 智能淨水系統
過濾水機唔單上可以俾到你新鮮嘅飲用水，重可以直接出到熱水，當然都會有過濾或消毒殺菌嘅功效。
即買即用，唔洗自己安裝，但係會佔用較多空間，或要人手加水。
電解水機係透過電解作用將食水電解成鹼性和酸性，鹼性水作飲用之用；而酸性水則殺菌、消毒、潔淨之用。亦會加入濾芯過濾有害物質、重金屬物。
嬰兒、老人、腎病患者不宜使用。
可除去的成份: 殘留氯 、 污濁物 、總三鹵甲烷 、溶解性鉛、 黴菌臭 、 三氯甲烷 、二氯一溴甲烷 、二溴一氯甲烷、三溴甲烷、 四氯乙烯 、三氯乙烯、 1.1.1三氯乙烷、 CAT(農藥)、 鐵(微粒子狀)、 鋁(中性)、 土臭素(黴菌臭)、 酚類
不可除去的成份: 溶解於水中的鐵、重金屬 (銀、銅等)或鹽分(海水)
1. 適合嘅水溫
唔少家居嘅食水供應系統已經有冷熱水供應，但係要留意番大部分濾水器都無法過濾35°C- 40°C熱水，仲有機會整壞濾水器喉管同濾芯。
2. 電源連接
少部分型號濾水器或電解水機要連接電源先可以用，所以購買前須要確保放置濾水器嘅位置係咪有電制。
3. 濾芯更換期
濾芯是消耗品，而廠商一般都會按照過濾量列出濾芯嘅建議更換期，如果唔準時換濾芯，可能會減低濾水成效，亦有機會滋生細菌。
4. 濾芯成本
濾芯須要定時換，所以要留意濾芯貴唔貴同駛唔駛成日換。如果換芯期較短，每年就要俾更多嘅錢去換啦。此外，仲要留意吓濾芯供應係咪足夠，若濾芯成日冇貨，濾水器就會得物無所用。
-SW-80x80.png)
-80x80.png)
-80x80.png)
