香港一年四季潮濕都唔洗我多講，大家都深有感受。洗完啲衫唔乾，開抽濕機去抽相信對大家嚟講已經係生活日常。除咗乾衫問題，沖完涼啲水蒸氣搞到嗰廁所濕笠笠容易發霉，都真係好頭痛！今日要分享嘅就係集多功能於一身仲好慳電嘅Drymaster DM230R-1 天花式浴室乾衣寶，佢完全可以解決到啱啱所提到嘅所有問題！

Drymaster DM230R-1 天花式浴室乾衣寶目錄

香港一年四季潮濕都唔洗我多講，大家都深有感受。洗完啲衫唔乾，開抽濕機去抽相信對大家嚟講已經係生活日常。除咗乾衫問題，沖完涼啲水蒸氣搞到嗰廁所濕笠笠容易發霉，都真係好頭痛！今日要分享嘅就係集多功能於一身仲好慳電嘅Drymaster DM230R-1 天花式浴室乾衣寶，佢完全可以解決到啱啱所提到嘅所有問題！

介紹Drymaster DM230R-1 天花式浴室乾衣寶

首先，簡單介紹下Drymaster DM230R-1嘅規格先，佢唔連機蓋高266mm闊495mm深495mm，佢採用咗天花式安裝設計，可以令風力更均勻咁覆蓋成個浴室，實現更高效嘅效能。

呢部乾衣寶係集乾衣、抽濕、暖風同等離子空氣淨化四大功能於一身，非常啱香港潮濕嘅天氣。

依家我會就住佢嘅4大功能細緻咁講解。先講抽濕方面，佢可以調節兩段抽濕風力，最高抽濕量高達每日10.6公升，遠高於一般嘅抽濕機，可以有效抑制牆壁同天花等地方滋生霉菌。

再加埋8字型風口位設計，令到覆蓋範圍更廣，有效去除室內環境嘅水份，達致快速乾爽！咁樣就唔洗再擔心廁所嘅日用品會發霉！

Drymaster DM230R-1 嘅乾衣功能亦都非常強大

佢專為潮濕環境設計，使用壓縮機抽濕設備，可以提供高效率嘅乾衣，比市面上同類型嘅乾衣機足足快成4倍！

佢採用自然乾透法，唔會損害衣物纖維同避免衫褲出現縮水現象。

可以做到咁快速乾衫，大家會唔會覺得佢耗電費會好高呢？正如我哋提及到 Drymaster DM230R-1係採用壓縮機運作，抽濕功能只係需要241W運行，所以大大減低咗耗電費，相比其他同類非壓縮機嘅浴室乾衣寶用2000W或者以上去發熱，可以慳到80%以上電費，慳電得嚟又環保！

除咗以上嘅功能，大家買得浴室寶嘅一定係想冬天嘅時候唔會一凍一熱容易攝親

Drymaster DM230R-1 有2段風力調控，用家可以根據自己嘅需求調整溫度上升速度，令浴室保持舒適溫度，冬天沖涼定換衫都唔會咁容易冷親！

唔單止咁，佢仲採用咗等離子空氣淨化技術同抗菌過濾網，可以抑制真菌繁殖，同時可以除菌、除臭同消除病毒等有害物質，而且唔含毒性，唔會對人體產生危害！

安裝注意事項

跟住落嚟就到Drymaster DM230R-1 天花式浴室乾衣寶嘅安裝注意事項，買之前了解清楚，安裝上嚟就可以萬無一失啦！

  • Drymaster DM230R-1 嘅電壓頻率係220V 50Hz，想要安全咁使用就要準備獨立嘅13Amps插蘇，同埋撘配10Amps以上嘅漏電開關，咁就唔會咁容易出現短路同跳制問題！
  • 另外，安裝嘅時候要注意抽濕水管係咪已經被妥善接駁，以免運作時出現漏水，而且排水位應該做斜漏，方便去水！有乾衣需求嘅大家就要特別注意出風口面向位置，應該要面向晾衫架，配合使用乾衣模式40%濕度與溫度28度以達至最高嘅乾衣效率。

  • 呢部天花式乾衣浴室寶低於排水喉安裝嘅時候係唔需要加裝水泵；如有需要加裝外置水泵，水泵安裝高低位置都唔會影響運作。