您的購物車沒有添加商品！
比起一般傳統門鎖鎖匙開門，電子門鎖用嘅密碼或指紋，甚至 smart phone開門當然安全得多，單單係密碼或指紋都較難以複製，避免賊仔利用鎖匙孔技術開鎖。
賊仔强行爆門時，警鐘系統即刻聯絡屋主並且響起，令你可以發現有人偷嘢或嘗試入屋，又可能幫你嚇走賊人，或驚動鄰居幫手。假如有人撞密碼，只要連續撞多次錯誤密碼，門鎖會停止操作。
如果你怕人偷睇你嘅密碼，虛位密碼一定令你有更多信心，虛位密碼係正確密碼前後可以加上任意位數的數字，就可以開門，例如你的密碼是「1234」，輸入「55123466」，「55」同「66」就是虛位密碼，因為「1234」包含在內，同樣開到門，咁樣賊人就難以偷睇密碼。
賊人偷到指紋機會雖然好細，但係都可以多一重保障，如有隨機防盜密碼，即係先按下隨機數字再按密碼或指紋，就可以防止盜賊盜取指紋開門。
好多人用電子門鎖當然係因為方便啦，唔洗再帶鎖匙喎，唔怕因為冇鎖匙冇得入屋，撳個密碼、指紋就開到門，爽!
重有啲款式有一次性派匙設計，姐係如果你朋友去你屋企，而你又係街或者返緊工，你都可以利用 APP set 一個一次性嘅密碼俾你開門入屋，唔洗又搵人拎鎖匙或放低係暗角位咁牙㾓啦。
當遇上緊急情況，好似係有陌生人跟蹤，當務之急就一定係盡快開門入屋，之後上鎖。一般如果係用傳統門鎖，就會上演一場搵唔到鎖匙、鎖匙插極都插唔入、仲要跌埋落地嘅電影橋段，但智能門鎖一般只需2秒就可以成功解讀指紋/密碼而開鎖，當你一閂返門，仲會自動幫你上鎖。
唔好以為就咁俾錢買完加埋安裝費就一定用到呀，其實重要留意大門本身啱唔啱裝電子門鎖、開門方向、門鎖款式等等，詳情你哋可以睇返呢篇 安裝電子門鎖必知7件事 ，咁就真係萬無一失啦。
電池續航力
入一次電其實可以用 9 個月至 1 年，視乎電池質素及開閂門次數，部分電子門鎖會係就冇電嗰陣提示你換電池，只要立即換電就冇問題。
|
開鎖方式 |
方便性 |
安全性 |
價位 |
|
| 傳統門鎖 |
|
|
|
|
| 電子鎖 |
|
|
|
|
感應匙卡：即係俗稱「拍卡」開門，一般購買電子門鎖會附送 2 張，用家可以自行購買更多門卡，最多可以配對一百張門卡 (適合辦公室使用)
密碼解鎖：設有觸控面板或數字鍵盤，更有型號擁有隨機防盜密碼，用家要先撳隨機數字再撳密碼，防止其他人盜取指紋開門。
指紋辨識：一般分為光學式感應或半導體模組感應，後者嘅感應速度更快、而且成功率更高。
APP應用程式：可以建立一次性/定期/永久開門權限，同時管理有效時間。查看進出紀錄、遠端增設指紋及臨時密碼。
鑰匙解鎖：智能門鎖都會保留後備鑰匙孔設計，通常會比較隱蔽，作為應急備用，例如門鎖出現故障、或火災等突發狀況。
1. 注意因天氣所引發冷縮熱漲，確保門與門框、鎖體與鎖扣板對齊。仲要留意潮濕會唔會令電池受損。
2. 換電時須要將全部電池一齊換曬，若新舊電池一齊用會令舊電池負荷過重。
3. 每隔數月應該檢查入電位同換電，避免因電池洩漏電解液，令到鎖未能運作，甚至整壞門鎖。
4. 細力閂門以避免門鎖受碰撞。
5. 老人家嘅指紋會較難辨識，可能記性又唔太好，密碼鎖都未必係好選擇，感應卡開鎖就方便得多啦。
-SW-80x80.png)
-80x80.png)
-80x80.png)
