您的購物車沒有添加商品！
近年蒸焗爐大受歡迎！一機多用又健康，本文同大家介紹我身邊呢部由Bosch推出嘅HSG7584B1 Series 8黑鑽嵌入式蒸焗爐。
佢 71公升嘅容量夠晒大，啱哂鐘意開party同大家庭嘅你！除咗規格同功能，仲會有兩個食譜送返俾大家！
Bosch 作為百年德國家電品牌，佢絕對稱得上係業界入面嘅最高標準！今次介紹嘅HSG7584B1 Series 8 黑鑽嵌入式蒸焗爐，一共有5個層架。
.jpeg)
設計方面佢有6.8吋特大高清輕觸式螢幕，配合創新嘅數位控制環，解像度同畫面流暢度媲美新一代智能電話，用家一隻手指就可以好似操控電話咁輕鬆操控蒸焗爐，非常方便決捷。
.jpeg)
功能方面佢配備15款加熱模式，包括獨家德國專利4D熱風 、Air Fry 空氣炸、上下加熱 、熱風燒烤/全面或者集中燒烤同低温慢煮等等。另設4款蒸煮模式，包括Steam+ 蒸氣加強、解凍、翻熱、同埋發酵功能。仲有4款蒸焗組合模式，等用家可以喺烤焗嘅同時添加蒸氣，令口感更juicy。
.jpeg)
呢部機嘅最大亮點就係佢嘅Steam+功能。
平時用明火蒸魚好容易因為時間控制得唔好令到條魚唔熟或者過熟。Steam+ 呢個功能，蒸煮溫度超越傳統100°C，最高可以達至120 °C，有效縮短55%烹調時間同埋保留更多營養，特別係維他命C。
而烘焗方面Bosch獨有嘅4D熱風功能，利用雙向轉動風扇，將熱力平均分佈喺每個層架上面，無論你要焗嘅食物幾大份，或者你想同時焗4層食物，都同樣可以達致均勻同完美嘅效果。
跟住落嚟就同大家示範點樣用呢部蒸焗爐整蒜蓉蒸龍蝦。首先我哋將蒸焗爐調較到「Steam+」模式預熱至120度。
.jpeg)
溫度上升嘅時候，紅圈會郁動，到頂部就代表預熱完成喇！喺等緊預熱嘅同時我哋去處理下食材先。將開邊處理好嘅龍蝦平放喺焗盤度，大家可以因應自己嘅喜好，去選擇自制蒜蓉醬或者買現成嘅。將準備好嘅醬料(畫面顯示醬料)均勻鋪喺龍蝦肉表面，然後放入已經預熱好嘅焗爐，繼續用「Steam+」模式，用 120度蒸6-8分鐘，就可以食得喇！
.jpeg)
高溫蒸氣下煮熟嘅食物，除咗可以保持翻食物嘅原汁原味，鎖緊佢哋嘅營養價值，仲唔洗驚會煮過龍，令食物變到鞋烚烚、乾爭爭！
.jpeg)
平時喺出邊食泰式嘢就多啦，有冇諗過喺屋企都可以好方便整到呢？依家就同大家示範整泰式烤鱸魚。首先我哋將蒸焗爐較到「4D熱風」模式，設置到230℃預熱。
呢個時候我哋就可以去準備食材喇，先喺焗盤上面鋪一層油紙，將清洗處理好嘅鱸魚印乾水放上去。然後將切好嘅香茅、青檸葉、高良薑、辣椒同青檸汁放入鱸魚入面，再喺魚身封一層魚露。完成以上步驟之後就將PerfectRoast+ 3點測溫烤肉針插入鱸魚最厚肉的位置，肉針特有3個感應點可以精準判斷魚的中心溫度；
再將肉針嘅另一邊插入爐腔，設定目標肉心溫度為59度，按開始後焗爐就會自行烤焗過程，當魚肉肉心達到59度，焗爐就會自行停機可以出爐㗎喇！咁簡單嘅操作，真係令大家都有能力成為烹飪大師呀！
.jpeg)
唔只煮得方便呀，佢清洗都一樣咁快捷！平時用完焗爐最驚就係要清潔，Bosch明白用家嘅需要，爐腔入面嘅Eco Clean Direct 自潔塗層可以喺烤焗或者烘焙嘅時候精準針對油脂，用高溫進行分解，令用家可以更容易抹乾淨部機。
而新推出Steam Cleaner 自動清潔程式，只需簡單注入400ml清水同1滴清潔劑喺爐腔底部，高溫蒸氣會即時滲透每一個角落，只係需要20分鐘，就可以將爐腔進行深層清潔，每個月使用一次，就可以有效延長蒸焗爐嘅使用壽命。
-SW-80x80.png)
-80x80.png)
-80x80.png)
德國製造