【皇牌家電】Bosch KMC85LBEA黑鑽四門雪櫃功能大公開！｜夏日必備家電｜時尚設計兼慳電之選！

Bosch KMC85LBEA黑鑽四門雪櫃目錄

介紹Bosch KMC85LBEA規格+功能

首先，睇吓呢部Bosch KMC85LBEA XXL黑鑽四門雪櫃嘅規格先，佢高1895mm闊 855mm深666mm，容量足足550升㗎！

550升嘅容量對於一個家庭嚟講完全綽綽有餘，即使新年過節要買年貨又或者有朋友嚟煮大餐都可以輕鬆應對！仲擁有全港最多冰格的雪櫃，特大容量足夠4人家庭儲存10日食材所需！

另外，佢採用德國最新科技，將雪櫃同殺菌淨化機2合為1。

結合納米鉑金離子，可以精準捕捉細菌及異味，再經過3倍鉑金淨味循環系统分解及淨化，可以有效去除超過99.99%大腸埃希氏菌同金黃色葡萄球菌，唔單止可以咁樣呀，佢仲可以去除90％以上嘅魚腥味同腐臭氣味，用起上嚟安全又衛生啦！

安裝方面，廚櫃內安裝只需要留2cm位，近乎無縫安裝喺廚櫃入面，打造嵌入式貼牆效果，美觀得嚟又慳位！

Bosch KMC85LBEA XXL黑鑽四門雪櫃達至一級能源標準，

採用智慧變流器技術。溫度感應器會不斷監測雪櫃內外嘅溫度，當溫度有變，就會電流傳到電子系統，確保壓縮機會根據電流情況調整表現，做到有效變流。採用FreshSense智能感應器技術，外間溫度的變化都會時刻被偵測得到，雪櫃自己識得調節合適嘅製冷量，真正做到又夠凍又慳電。

另外，佢係無霜設計，無霜雪櫃嘅通風系統會自行抽走冰格嘅濕氣，令空氣保持乾燥，防止冰格內部或者食物上面結霜。

唔單止容量夠大，佢功能亦都好多㗎，當中 SuperCooling 極速冷藏功能絕對係佢嘅賣點之一。

只要啟動呢個功能，雪櫃嘅溫度就會快速下降到約2°C。用家可以透過依個功能，將啱啱買翻嚟嘅食材快速降溫，避免食物升溫變質。亦都唔洗擔心使用呢個功能會令能源消耗過大，因為雪櫃會自動喺大約15個鐘之後回復翻之前設定嘅溫度。
 

介紹Bosch KMC85LBEA間隔+設計

等我睇下佢嘅間隔同設計先，佢採用咗十字四門設計，衿貴黑鑽玻璃門板加上罕有玻璃把手，係外型上面已經好有時尚設計感！門上面帶有輕觸式控制顯示屏，用家可以輕鬆對雪櫃作出獨立嘅溫度控制。

佢作為市面上最纖薄嘅4門雪櫃，只係需要比普通雙門雪櫃多6mm嘅額外深度就可享額外68%嘅儲存量㗎！

打開門我哋可以好清晰咁睇到佢區域嘅分佈，分別設有冷藏室同冰格。

冷藏室方面，有3層強化安全玻璃層架，2個可以調較高度嘅、仲有4個櫃門層架、1個VitaFresh XXL 溫濕雙控冷鮮空間、1個 VitaFresh <>0°C 溫濕雙控冷鮮空間，可以保持蔬果６天唔變壞。

冰格方面，佢係市面上唯一有8個櫃桶嘅4門雪櫃，

大量嘅儲存格令到雪櫃內部空間佈置合理，食物擺放更加整齊，仲可以避免食物之間嘅氣味互相混雜又或者造成感染，例如雪糕同凍肉就唔駛再擺埋一齊，分門別類，輕鬆收納冷凍食品。

另外，大家亦可以見到雪櫃頂部有LED頂燈，可以俾用家用較少嘅電力就擁有均勻、防眩嘅內部照明。

佢仲設有警報提示信號，當櫃門未閂埋或者偵測到故障嗰陣，就會發出聲響同著燈，提醒用家，以免有任意外發生。