【星級廚電】Baumatic BHI305.2 嵌入式雙頭電磁爐｜黑白兩色 ｜9段功率＋超強安全性

Baumatic BHI305.2 嵌入式雙頭電磁爐目錄

介紹電磁爐原理

首先我地先介紹下電磁爐嘅原理先，電磁爐係通過磁場感應發熱，由爐具入面嘅線圈產生磁場，當磁場通過鐵磁體時會誘發渦電流，從而產生熱量。

電磁爐比起氣體爐最大嘅好處就係熱力直接傳到鍋具，減少熱力流失，可以慳高達七成嘅能源費用。另外，因為唔需要空氣燃燒，開爐都唔會有有毒廢氣或者碳微粒。

介紹Baumatic BHI305.2 嵌入式雙頭電磁爐

等我哋一齊睇吓Baumatic BHI305.2 嵌入式雙頭電磁爐嘅規格先。佢高58mm、闊288mm、深520mm，黑白兩色，美觀得嚟又易清潔，只需要輕輕一抹，就可以去除到食物殘渣。

佢有9段功率設定加上觸控控制，用家只係需要一隻手指就可以根據自己嘅需要精準調節火力大細，無論你係想蒸、炒、煮、燉，都可以滿足到你嘅要求。

款電磁爐有兩個感應區，上方嘅感應區直徑180毫米，可以放比較大嘅鍋具，而下方嘅感應區直徑140毫米，熱力相對集中，方便煎煮或者炒菜，加埋就可以同時處理唔同嘅烹飪需求。

喺顏色方面佢仲有兩個選擇，一黑一白，市面上白色嘅電磁爐，非常少見，無論係黑色嘅型格廚房定係白色嘅北歐風格廚房 ，佢都可以配搭到呀。

唔少得嘅仲有定時器功能，最長可以設定99分鐘，而且有埋自動關機功能，非常方便。

其他功能方面，佢仲設有自動安全切斷電源、溢流保護等一系列安全功能。機身物料方面，佢係使用陶瓷玻璃， 而傳感器滑塊控制同觸摸控制操作都响晒一體式嘅面板上面，清潔非常簡單方便！