您的購物車沒有添加商品！
今次我哋會介紹6個窗口式冷氣機系列同3個分體式冷氣機系列，當中8個系列係變頻式，1個係定頻式，滿足唔同用家需要。
首先，我哋一齊嚟睇吓6個窗口式冷氣機系列，當中有5個係變頻式，1個係定頻式。
窗口式冷氣機推介
窗口式冷氣機係香港家居熱門選擇，安裝簡單又慳位。我哋會推薦格力GWF-DB系列、格力GWF-CV系列、惠而浦R32環保變頻系列、LG W3NQ系列、日立小涼伴變頻窗口式冷氣機CA系列同樂信 RC-SUL系列系列，呢5個係變頻式冷氣機，高效得嚟又慳電；另外格力GWA系列係定頻式，性價比相當高。大部分型號都提供3/4匹、1匹、1.5匹、2匹同2.5匹選擇，部份型號仲有Wi-Fi遙控功能，非常方便！
首先介紹格力GWF-DB同GWF-CV系列，兩款都係變頻淨冷窗口式冷氣機，專為香港空間有限嘅環境設計。機身採用雙黑鑽散熱塗層，有效保護散熱器，唔受環境污染侵蝕，唔怕日曬雨淋既天氣。散熱快之餘製冷效果亦都好好。配備3合1抗菌過濾網，包括銀離子、兒茶素同防塵蟎過濾網，有效阻隔灰塵，抗菌除臭，令屋企空氣時刻都可以保持清新。值得一提嘅係，呢兩個變頻系列嘅型號都支援Wi-Fi手機遙控，方便用家隨時隨地遙距開關機同調校溫度。GWF-DB系列採用咗R32環保雪種，全部匹數都係1級能源標籤。而保養方面，兩個系列都備有永久壓縮機保養，令用家更加安心。
格力 GWA系列 (定頻淨冷)
格力GWA系列屬於定頻淨冷窗口式冷氣機，設計簡單實用，適合預算有限嘅用家。佢採用R32環保雪種，機身方面配備G-Diamond星級雙黑鑽塗層，有效提升散熱效果，延長機件壽命。加埋優化嘅面板設計同3合1抗菌過濾網，可以提供高效氣流循環，穩定室內嘅空氣質素。呢個系列性價比高，無論租戶或者係小型單位嘅用家，都非常適合。
LG W3NQ系列 (變頻淨冷)
LG W3NQ系列用雙迴轉變頻壓縮機，運作穩定，同時可以節省高達70%嘅電力，既慳電又夠凍！佢採用R32環保雪種，夠凍之餘亦都非常環保。如果開啟睡眠模式，佢嘅噪音只有44dB，絕對唔駛擔心開住冷氣會訓得唔好,又或者做嘢集中唔到。佢仲有ThinQ™應用程式，可以透過手機遠程操控，喺未返到屋企之前已經可以開定冷氣，返到屋企就即刻涼浸浸啦！
日立小涼伴變頻窗口式冷氣機CA系列採用All DC Inverter變頻技術，能高效維持穩定室溫，既寧靜又涼爽。呢個系列嘅窗口冷氣機同時備有銀離子抗菌空氣過濾網，有效抗菌達99%。加埋獨立抽濕功能，非常適合香港潮濕天氣，令屋企時刻都保持涼爽舒適。有齊3/4匹至2.5匹選擇，不論屋企空間大小都總有一款適合。佢備有3年全機及5年壓縮機保養，仲榮獲1級能源標籤，慳電亦係信心嘅保證！
惠而浦全新R32環保變頻系列，全部採用ZEN變頻技術，兼配備特有「第6感」自動温測系統，能自動調節，穩定維持特定温度，寧靜慳電。最新型號均採用R32環保雪種，製冷效果出色。系列更特別備有獨立抽濕功能，即使唔係處於炎炎夏日，其他日子都可以發揮作用，為家居隨時保持清爽！隨機仲配備銀離子、兒茶素及蟎蟲清三合一過濾網，有效過濾細菌同過敏原，效能高達95%。所有型號配有遙控器同可拆洗面板，加埋機身嘅藍晶凝防鏽塗層，真係貼心、易打理又耐用！
樂信 RC-SUL系列係變頻淨冷嘅窗口式冷氣機，其中嘅特點係樂信專利左出風設計，可以唔驚右邊牆壁阻檔實現室內冷氣更均勻分布，享受更佳的冷氣房效果。除咗左出風系列外，亦都有右邊出風系列供客人選擇。佢採用R32環保雪種,以及變頻式控制, 有效調節運轉功率同節省耗電量。機身特設藍鑽散熱器，有效增強散熱效果嘅同時，亦可以降低損耗。除咗提供穩定嘅製冷同抽濕效果，佢同時配備抗菌過濾網，可以有效抑制細菌，過濾空氣污染物。
----------------------------------------------------------------
至於分體式冷氣機，我哋會推薦格力GIM系列（冷暖型）、格力GIMC系列（淨冷型）、日立CWK系列、日立CSK系列同日立CAK系列。佢地全部都係變頻式冷氣機，適合追求高效製冷、製暖同運作寧靜嘅用家。分體式冷氣機比窗口式更加靜音，製冷效果亦都更加均勻，特別適合空間比較大嘅地方長期使用。
格力GIM系列冷暖型分體冷氣機，專為香港狹窄窗台設計，室外機高度只有428mm，既慳位又實用。呢個系列採用R410A環保雪種，全部都係1級能源標籤，支援冷暖功能，一年四季都啱用。佢配備咗等離子殺菌Cold Plasma空氣淨化技術，有效去除空氣中嘅細菌同異味，仲有3合1過濾網（兒茶素、維他命C、防塵蟎），幫你時刻保持最佳嘅空氣質素。另外佢仲設有I FEEL自動感應功能，會根據附近嘅溫度自動調節，保持環境舒適。呢個系列全部型號都達到1級能源標籤，真係慳電又高效。
日立Frost Wash結霜淨化纖巧420變頻淨冷分體式冷氣機CWK系列特有Frost Wash自動清潔，以「先結霜，後融化」封鎖並清潔冷熱氣交換器上積聚嘅灰塵污垢。只要一撳遙控，就可以開始操作，慳返唔少清洗冷氣時間，而且更有效抗菌防霉除病毒，同時保持冷氣嘅性能效益，吹出黎嘅冷氣風更涼更清新！另外，佢嘅Stainless Clean不銹鋼淨化系統，有效減少塵垢積聚，除菌更達99%，達至雙倍潔淨。CWK系列室外機僅高420mm，纖巧的骰，啱哂安裝喺冷氣窗台位，減少搭棚嘅煩惱。全個系列都係使用R32雪種，仲有1級能源標籤，慳電又環保！
日立纖巧420變頻淨冷分體式冷氣機CSK系列，同樣採用Stainless Clean不銹鋼淨化系統，有效防污減少塵垢積聚，除菌更達99%。4D超闊送風功能更可以將涼風均勻吹送至屋企每一個角落。而且佢嘅室外機僅高420mm，纖巧細細嘅機身啱哂安裝喺冷氣窗台位，無論1匹至2匹都一應俱全！日立分體式冷氣備有2年全機及5年壓縮機保用，仲榮獲1級能源標籤，夠哂慳電，亦係信心嘅保證！
日立變頻淨冷分體式冷氣機CAK系列特有Frost Wash結霜淨化技術，冷熱氣交換器會結霜並洗淨積聚嘅灰塵污垢，長效保持冷氣性能同時保持潔淨。呢個系列亦配有ZPT空氣過濾網，有效去除新冠病毒達99%。而佢嘅納米鈦不銹鋼塗層前置過濾網全面覆蓋冷氣入口，防塵兼易洗，加倍耐用。全部型號都有1級能源標籤，加埋變頻技術同R32雪種，既令環境更舒爽，同時亦兼顧環保與能源效益。
以上就係我哋為大家介紹嘅2025年窗口式同分體式冷氣機推薦！無論你係想要性價比高嘅定頻機，定係慳電又智能嘅變頻機，格力、惠而浦、樂信、LG同日立呢5大品牌都有唔同系列同匹數俾你揀。
https://www.builtinpro.hk/ac-compare-2025
-SW-80x80.png)
-80x80.png)
-80x80.png)
泰國製造
